लैंगिक प्रजनन म्हणजे काय? लैंगिक प्रजननाच्या दोन प्रमुख प्रक्रिया स्पष्ट करा

लैंगिक प्रजनन म्हणजे काय? लैंगिक प्रजननाच्या दोन प्रमुख प्रक्रिया स्पष्ट करा. 

उत्तर 

1. लैंगिक प्रजनन : दोन अर्धगुणी युग्मकांच्या संयोगातून एका द्विगुणी युग्मनजाची निर्मिती होऊन जेव्हा नवा सजीव निर्माण होतो, तेव्हा त्यास लैंगिक प्रजनन असे म्हणतात.

2. लैंगिक प्रजननातील दोन प्रमुख प्रक्रिया पुढीलप्रमाणे आहेत:

i) अर्धगुणसूत्री विभाजन : अर्धगुणसूत्री विभाजन प्रक्रियेत मूळची द्विगुणित गुणसूत्र संख्या निम्मी केली जाते. द्विगुणित जनक पेशींपासून अर्धगुणी स्त्रीयुग्मक व पुयुग्मक तयार होते. (2n →n)

ii) फलन : फलनाच्या प्रक्रियेमुळे दोन अर्धगुणी युग्मकांचा संयोग होऊन द्विगुणी युग्मनज तयार होतो. फलनामुळे गुणसूत्रांची संख्या कायम राखली जाते.