कायदेनिर्मितीच्या प्रक्रियेतील टप्पे स्पष्ट करा.
विधेयकाचे किंवा प्रस्तावाचे कायद्यात रूपांतर होण्यासाठी ते पुढील प्रक्रियेतून जाते.
पहिले वाचन - संबंधित खात्याचा मंत्री विधेयक मांडताना थोडक्यात त्याचे स्वरूप स्पष्ट करतो.
दुसरे वाचन - याचे दोन टप्पे असतात. पहिल्या टप्प्यात सत्ताधारी पक्ष विधेयकाच्या बाजूने तर विरोधक विधेयकातील उणिवा व दोष स्पष्ट करतात. दुसऱ्या टप्प्यात विधेयकावर कलमवार चर्चा होते. सदस्य दुरुस्त्या सुचवू शकतात. त्यानंतर सभागृहात मतदान घेतले जाते.
तिसरे वाचन - या वेळेस विधेयकावर चर्चा होते व विधेयक मंजूर करण्याच्या आवावर मतदान होते. विधेयकाला आवश्यक ते बहुमत मिळाले की विधेयक मजूर होते.
राज्यसभेतही वरील प्रक्रियेतून विधेयक जाते व नंतर राष्ट्रपतीच्या स्वाक्षरीनंतर विधेयकाचे कायद्यात रूपांतर होते. (दोन्ही सभागृहांत मतभेद झाल्यास दोन्ही सदनांच्या संयुक्त अधिवेशनात मतदान घेतले जाते).